|
|
Moin,
Moin, leeve Lüüd,
Norderstedt is de
föfftgröttste Stadt in Sleswig-Holsteen. Se liggt im Süden von dat nördlichste
Bundesland un stött mit Hamborgs Norden tohoop.
Nich so wiet aff von de Grenz liggt de Flughoben. He geiht deep in de Stadt
Hamborg rin. De Startbohnen sind krüüzwies anleggt. 1983 mook de Hamborger
Wirtschaftsbehörde de neee Nord-Süd-Startbohn to den Hauptstartbohn-wat se
nie warrn schull no den Verdrag mit dat oole Gorstedt, wat hüüt een Stadtdeel
von Norderstedt is.
Siet disse Tiet hett Gorstedt den Larm, un de warrt nich weniger, nee, de
warrt jümmers mehr, denn dor sind jedes Johr mehr Fleegers to telln.
Un wie dat jümmers so is, an Fierdogen un Sünnobend un Sünndags gifft dat
hier den meisten Larm, denn Hamborg schoont sien Bürgers - kannst ok seggen
Wählers. De dor op de Güntsiet von de Grenz, dat sind jo bloß Holsteener.
Dat fangt morgens Klock söss an und geiht meist bit Middernacht. Und dorbi is
dat egol von welk Siet de Wind weiht!
Siet 26 Johr versöcht de NIG den Fluglarm op de 4 Bohnen to verdeelen-bit
hüüt ohne groten Erfolg, obwohl de Zeitungen uns ganz dull helpt. Aver wie
seh dat ut ohne de NIG?
Wi dachen, wi kreegen Hülp ut Kiel- man de Larm reckt leider nicht bit
dorhin. In Gegendeel-de "Hogen" von Sleswig-Holstein versöökt de
Andeele, de se an den Flughoben mit 10% hebbt, as Suurbeer to verhökern.
Is door een op de "Online", de uns helpen un roden kann? Wi hier
int oole Gorstedt, den gröttsten Stadtdeel von Norderstedt, hebbt den meisten
Larm freehus un meist keen Help för Larmschutz. Un Hamborg, de de Flughoben
to eegen hett,deit nix för uns, we exesteert schienbor gor nich. Wat se
grootmulig kund doot, is för de Katt, meist nix.
Disse Innenstadt-Flughoben schall nu noch grötter warrn un bruukt dorför 700
Millionen Mark. För den Larmschutz langt no ehr Meen 10 Millionen .Un
tobetohlen schöllt de Lüüd ok een Eegenandeel! So heet dat siet Johrn, man wi
glöövt jüm dat all lang nich mehr. De Flughobensellschopp is so giezig, dor
sind annere dorgegen spendobel to nömen. Wi kennt den Tallen, de dat bewiest:
Wi geevt se wieder an Lüüd, de dat geern weten wöllt
De Flughobensellschopp hett sik sogor een Zeitung toleggt, de een Oploog von
250 000 hett, dor löövt se sik sülven bit öber den gröönen Klee!
Nu schall de Flughoben verköfft warrn, un de neee Besitzer will dat
Nachtflugverbot von Klock 1 bit Klock 6 fastsetten loten.
Deit mi leed- mit fiev Stünnen Sloop komm ik nich ut. Nich mit uns! Wi müchen
geern en beten mehr Roh. Is dat to veel verlangt?
Wat glöövt de Flughobenbedrieber eegentlich, wat de Lüüd in Alsterdörp seggen
wöörn, wenn de Startbohn mol in de Richt nutzt wöör?
Översett von Fru Inge Hellwege ut Gorstedts "oolet Dörp".
|
|
